kiek mol, wat is de Himmel so grau
dat sünd de Engel, de speelt Mau Mau
de harn keen Lüst op all dat backen
und een hett seggt- wat schall dat Snacken
de Engel wör son lütjen Racker
un gau mogt sick de Trupp von Acker
kloppt Kortn inne Eek bi Kerzenlicht
und hoopt, de leeve Gott find se nicht
doch op Eern de ole Wiehnachtsmann
de kiek sick all denn Himmel an
un wunnert sick – wieso is de nich rot?
ick dach, de backt mien Wiehnachtsbrot…
oder hebbt se keen Strom wie hier opp Eern,
denn kann dat mit mien Stuten nix weern
he schickt dat mit Whatsapp too Gott glieks ropp
de steiht inne Kök un kratzt sik denn Kopp
sien Handy dat pingelt all fief Minuten
all woller Alarm von de Leckersnutn
nu is de leeve Gott jo nich dumm
he kiek sick eenmol in Himmel um
und as he sien Engel hört : Mau Mau
he bölkt: trüch inne Kök mit jau!
de Wiehnachtsmann hört dat Unwetter tobn
und dinkt sick…jawoll, dat löpt dor bobn
mit een Donnerschlag geiht de Ofen an
de lütje Engel schmollt achteran
ok de annern rollt ut met lange snutn
und schimpft op denn olln Wiehnachtsstutn
von Ariane Timm